២.១ តើខ្ញុំគួរធ្វើដូចម្ដេច ដើម្បីអោយអ្នកគ្រប់គ្រងថ្នាក់កណ្តាល និងកម្មករ-កម្មការនីចូលរួម?

ជូនដំណឹង និងរៀបចំថ្នាក់គ្រប់គ្រង់កណ្តាល

វាពិតជាមានសារៈសំខាន់ណាស់ក្នុងការជូនដំណឹង រៀបចំ និងបង្កើតការគាំទ្រពីថ្នាក់គ្រប់គ្រងកណ្តាល នៅពេលធ្វើកម្មវិធីឌីជីថលនៅក្នុងរោងចក្រ។ពួកគេដើរតួនាទីយ៉ាងសំខាន់ក្នុងការធានានូវការរផ្លាស់ប្តូរប្រកបដោយជោគជ័យ ពង្រឹងទំនុកចិត្តដល់កម្មករ-កម្មការនីកំឡុងពេល និងក្នុងថ្ងៃបើកប្រាក់ខែ និងជូយអោយពួកគេយល់ច្បាស់ពីរបៀបនៃការប្រើប្រាស់គណនី។

គំរូរបៀបវារៈសម្រាប់កិច្ចប្រជុំជាមួយអ្នកគ្រប់គ្រង់ថ្នាក់កណ្តាល
1. សារៈសំខាន់ និងអត្ថប្រយោជន៍នៃការបើកប្រាក់ឈ្នួលតាមប្រព័ន្ធឌីជីថល
2. ចំណុចជោគជ័យពីរោងចក្រផ្សេងៗ
3. ប្រព័ន្ធបើកប្រាក់ឈ្នួលថ្មី លក្ខណៈពិសេសរបស់គណនី និងតម្លៃសេវាក​ម្ម និងពេលវេលាសម្រាប់ការបើកប្រាក់ឈ្នួលតាមរយៈប្រព័ន្ធឌីជីថល
4. ការចូលរួមជួយគាំទ្រក្នុងកំឡុងពេលធ្វើការផ្លាស់ប្តូរ និងតម្រូវការសម្រាប់អប់រំដល់កម្មករ-កម្មការនីពីរបៀបប្រើប្រាស់គណនីថ្មីរបស់ពួកគាត់

ការជំរុញអោយមានការចូលរួមពីកម្មករ-កម្មការនី

រៀបចំកិច្ចប្រជុំ ក្នុងសាលរោងចក្រ

លើកទឹកចិត្តឲ្យរៀបចំកិច្ចប្រជុំក្នុងសាលរោងចក្រចំនួនពីរដងដោយមានការគាំទ្រពីអ្នកផ្តល់​សេវាហិរញ្ញវត្ថុ៖

• ការប្រជុំក្នុងសាលរោងចក្រលើកដំបូង គួរតែជូនដំណឹងដល់កម្មករ-កម្មការនីអំពីប្រព័ន្ធបើកប្រាក់ឈ្នួលថ្មី និងរបៀបបើកគណនី។​វាគួរតែត្រូវបានធ្វើឡើងនៅពេលជិតចាប់ផ្តើមដំណើរការប្រព័ន្ធឌីជីថល។
• ការប្រជុំលើកទីពីរ គួរតែធ្វើឡើងមុនថ្ងៃបើកប្រាក់ឈ្នួល ដើម្បីជួយអោយកម្មករ-កម្មការនីអាចទទួលបានការប្រើប្រាស់សំរាប់បើកប្រាក់ឈ្នួលតាមប្រព័ន្ធឌីជីថលថ្មី។

គំរូរបៀបវារៈកិច្ចប្រជុំ ក្នុងសាលរោងចក្រលើកទី ១៖ ជូនដំណឹងដល់កម្មករ-កម្មការិនីអំពីប្រព័ន្ធឌីជីថល៖
1. ការបើកប្រាក់ខែតាមប្រព័ន្ធឌីជីថល និងអត្ថប្រយោជន៍
2. ពេល​វេលាសម្រាប់អនុវត្តប្រព័ន្ធឌីជីថល
3. ដំណើរការបើកគណនី និងឯកសារតំរុវការ
4. ធ្វើការណែនាំអ្នកផ្តល់សេវាកម្មហិរញ្ញវត្ថុ និងរបៀបទំនាក់ទំនង
5. សំណួរ និងចម្លើយ

គំរូរបៀបវារៈកិច្ចប្រជុំ ក្នុងសាលរោងចក្រលើកទី ២៖ ការរៀបចំកម្មករ-កម្មការនីក្នុងការប្រើប្រាស់ការបើកប្រាក់ឈ្នួលថ្មី
1. ការពន្យល់ពីរបៀបនៃការប្រើប្រាស់គណនី
• ការចូលទៅក្នុងគណនី
• ពិនិត្យតុល្យភាពទឹកប្រាក់
• របៀបដាក់/ដកប្រាក់
• របៀបផ្ញើរប្រាក់
2. ពេល​វេលាសម្រាប់អនុវត្តប្រព័ន្ធឌីជីថល
3. ដំណើរការបើកគណនី និងឯកសារតំរូវការ
4. ធ្វើការណែនាំអ្នកផ្តល់សេវាកម្មហិរញ្ញវត្ថុ និងទំនាក់ទំនង
5. សំណួរ និងចម្លើយ

ការរៀបចំកិច្ចប្រជុំ ក្នុងសាលរោងចក្រ អោយបានជោគជ័យ

• នរណា៖កម្មករ-កម្មការនីទាំងអស់គួរតែអញ្ជើញចូលរួមក្នុងលើកដំបូងនៅក្នុងកិច្ចប្រជុំ ក្នុងសាលរោងចក្រ ដែលក្នុងកិច្ចប្រជុំគួរតែមានកម្មករ-កម្មការនីយ៉ាងតិច១០០នាក់។ ក្នុងកិច្ចប្រជុំលើកទី២ ទាក់ទងនឹងការរៀបចំការបើកប្រាក់ឈ្នួល គួរតែអញ្ជើញកម្មករ-កម្មការនីណាដែលទើបទទួលបានការបើកប្រាក់ឈ្នួលតាមប្រព័ន្ធឌីជីថលលើកទីមួយ។
• នៅឯណា៖ រៀបចំកិច្ចប្រជុំឲ្យឆ្ងាយអាគារផលិតកម្ម។
• ពេលណា៖ ជៀសវាងពេលដែលកម្មករ-កម្មការនីអស់កំលាំង និងឃ្លាន។
• របៀបណា៖ ប្រើប្រាស់មធ្យោបាយផ្សព្វផ្សាយជាសាធារណៈ/
• ប្រើរយៈពេលប៉ុន្មាន៖ កិច្ចប្រជុំនីមួយៗមានរយៈពេល ១ម៉ោង។ ធានាថាបន្ទាប់ពីប្រជុំកម្មករ-កម្មការនីជាពិសេសស្ត្រីអាចសួរសំណួរបន្ថែមទៀត។

ពិចារណាពីតម្រូវការរបស់កម្មការនី និងផ្តល់ការគាំទ្រ

ភ្ជាប់ទំនាក់ទំនងជាមួយតំណាងកម្មករ

វាមានសារៈសំខាន់ណាស់ ដែលត្រូវប្រាកដថាតំណាងកម្មករបានចូលរួម។
ជាអនុសាសន៍អ្នកគួរតែដែលត្រូ​វអញ្ជើញពួកគេអោយចូលរួមកិច្ចប្រជុំ​លើកដំបូង
និងកិច្ចប្រជុំផ្សេងៗទៀតដើម្បីបកស្រាយអំពីអត្ថប្រយោជន៍នៃប្រព័ន្ធឌីជីថល​សម្រាប់កម្មករ-កម្មការនី
និងកសាងទំនុកចិត្តពួកគេ។